Mijëra persona kanë marshuar në Firencë të Italisë kundër partisë së djathtës ekstreme. Ky është vetëm njëri ndër veprimet e ndërmarra nga organizata e re e udhëhequr nga të rinjtë e njohur me emrin “Lëvizja Sardine”.
Kjo lëvizje është bërë një simbol i protestës kundër së djathtës ekstreme që udhëhiqet nga Matteo Salvini, i cili shërbeu si ministër i brendshëm dhe zëvendës ministër në koalicionin e mëhershëm qeverisës me Lëvizjen Pesë Yjet.
Studentët, puntorët dhe familje me fëmijët e tyre iu bashkuan marshit, ku bartja e banerëve politikë ishte e ndaluar.
Protestuesit kënduan këngën anti-fashiste “Bella Ciao” dhe thirrën parullën “Çdo njeri ka të drejtë të ekzistojë”
Diku mbi 40 mijë njerëz morrën pjesë.
E djathta ekstreme angazhohet që të ndalohet emigrimi dhe të krijohet një integrim i thellë mes kristianëve në Europë.
Lëvizja ndërkohë është krijuar nga nga katër aktivistë të rinjë në qytetin verior të Bolonjës dhe janë të njohur për protestat e tyre ndaj politikave të Salvinit.