Ndryshimet klimatike tema kryesore në Madrid, liderët e diplomatët diskutojnë mes vete – bota më afër pikës pa kthim - Bota Sot
Ndryshimet klimatike tema kryesore në Madrid, liderët e diplomatët diskutojnë mes vete – bota më afër pikës pa kthim

Evropë

Ndryshimet klimatike tema kryesore në Madrid, liderët e diplomatët diskutojnë mes vete – bota më afër pikës pa kthim

Më: 2 dhjetor 2019 Në ora: 15:21
Foto

Liderët politikë dhe diplomatë që merren me çështjet të klimës, janë takuar në Madrid në samitin dyjavor të organizuar.

Sekretari i Përgjithshëm i Kombeve të Bashkuara, Antonio Guterres, ka deklaruar se “pika pa kthim nuk është më edhe aq larg”.

Ndërkohë organizata “Save the Children” ka njoftuar se shoku klimatik ka lënë miliona njerëz të uritur në Afrikë.

Kjo organizatë humanitare ka bërë të ditur se 33 milionë njerëz kanë shumë pak ushqim, për shkak të rritjes së ndikimit të cikloneve dhe thatësisë.

Konferenca për ndryshime klimatike – COP25 – është dashur të mbahet në Kili, por qeveria e ka anuluar për shkak të protestave.

Më pas Spanja është përzgjedhur si nikoqir i ngjarjes në të cilën do të duhej të merrnin pjesë 29 mijë persona gjatë dy javëve.

Pothuajse çdo vend në botë deri më tani kanë nënshkruar dhe ratifikuar marrëveshjen për klimën në Paris, e vendimet që merren do të duhej të gjithë t’i respektonin deri në fund të vitit 2020.

Ky takim në Madrid sinjalizon fillimin e 12 muajve bisedime që do të kulmojnë në takimin e radhës në Glasgov me COP26 në nëntor të vitit të ardhshëm.

Në takimin e organizuar në Spanjë pritet të marrin pjesë liderë e më shumë se 50 vendeve të botës – por në mesin e tyre nuk do të jetë presidenti amerikan Donald Trump. 

Shfaq komentet
comments powered by Disqus
Sot mund të lexoni Shfletoni kopertinat