Sulm në një spital të Çekisë, gjashtë të vdekur

Evropë

Sulm në një spital të Çekisë, gjashtë të vdekur

Më: 10 dhjetor 2019 Në ora: 09:47
Pamje nga vendi i ngjarjes

Gjashtë persona janë vrarë gjatë një sulmi në një spital në Republikën Çeke. Policia njoftoi se sulmuesi i dyshuar ende ndodhet në arrati.

Ministri i brendshëm, Jan Hamacek, tha se policia u njoftua për këtë sulm në orën shtatë të mëngjesit të së martës, ndërsa sulmi ndodhi në qytetin Ostrava, i cili shtrihet në pjesën verilindore të vendit.

Sipas raportimeve të medieve lokale, sulmuesi i qëlloi me armë viktimat në klinikën e traumatologjisë, ndërsa më vonë të gjithë personat që ndodheshin brenda ndërtesës janë evakuuar.

“Policia është duke e kërkuar sulmuesit në mënyrë intensive”, njoftuan autoritetet.

Në raportimet e medieve çeke thuhet se sulmuesi ishte një burrë i veshur me xhaketë të kuqe dhe ai qëlloi me armë në njërin prej  departamenteve të pacientëve që nuk janë të caktuar për qëndrim të gjatë në spital, shkruan “BBC”

commentFirst article
Sot mund të lexoni Shfletoni kopertinat