Presidenti nuk pranon dorëheqjen e kryeministrit ukrainas - Bota Sot
Presidenti nuk pranon dorëheqjen e kryeministrit ukrainas

Evropë

Presidenti nuk pranon dorëheqjen e kryeministrit ukrainas

Më: 17 janar 2020 Në ora: 22:57
Oleksiy Honcharuk

Presidenti i Ukrainës Volodymyr Zelenskiy duket se nuk e ka pranuar kërkesën për dorëheqje të Kryeministri Oleksiy Honcharuk. Ai tha se ka vendosur t'i japë atij një mundësi tjetër duke shtuar se nuk është koha që vendi të pësojë tronditje politike.

Kryeministri i Ukrainës dha dorëheqjen të premten pas publikimit të një audio-regjistrimi gjatë të cilin sipas njoftimeve, ai dëgjohet duke bërë komente denigruese ndaj presidentit lidhur me njohuritë e tij mbi ekonominë.

Në një postim në facebook Oleksiy Honcharuk shkruante se ai mori detyrën e kryeministrit për të përmbushur programin e presidentit, duke e quajtur atë "model të sinqeritetit dhe moralit".

Duke iu referuar përgjimit të publikuar zoti Honcharuk shkruante se "për të hequr çdo dyshim në lidhje me respektin dhe besimin tonë tek presidenti, paraqita një letër dorëheqje dhe presidenti do ta paraqesë atë në parlament".

Shfaq komentet
comments powered by Disqus
Sot mund të lexoni Shfletoni kopertinat