Dhoma e hotelit vërshohet nga uji i valë, pesë të vdekur të Rusi - Bota Sot
Dhoma e hotelit vërshohet nga uji i valë, pesë të vdekur të Rusi

Evropë

Dhoma e hotelit vërshohet nga uji i valë, pesë të vdekur të Rusi

Më: 20 janar 2020 Në ora: 10:34
Foto ilustrim

Zyrtarët e shërbimeve emergjente në Rusi kanë njoftuar se pesë persona kanë vdekur pas shpërthimit të një gypi me ujë të valë në dhomën e një hoteli. Pas shpërthimit, dhoma u vërshua nga uji me temperaturë shumë të lartë.

Tre persona të tjerë, të cilët pësuan djegie të thella, u dërguan në spital. Raportohet se njëri prej tyre është në gjendje shumë të rëndë.

Dhomat në bodrumin e ndërtesës nuk kishin dritare dhe kishin vetëm një dalje, ndërsa incidenti ndodhi në orën 4 të mëngjesit.

Autoritetet i kanë nisur hetimet nën dyshimin për mosplotësim të standardeve të sigurisë në hotel. Në vendin e ngjarjes ka shkuar edhe ekipi i forenzikës.

Deputeti Oleg Melnichenko tha se kuvendi rus mund ta shqyrtojë mundësinë për ndalimin e hapjes së hoteleve në bodrume të ndërtesave të banimit, shkruan “Independent”.

Shfaq komentet
comments powered by Disqus
Sot mund të lexoni Shfletoni kopertinat