Banesa të shembura dhe njerëz të tmerruar, kjo është pamja që vjen nga qyteti turk, i cili pati dëmet më të mëdha nga tërmeti i fuqishëm që goditi mbrëmë vendin.
Ndërkohë në rrjetet sociale po bën xhiro një video e gazetares së CNN Turk, e cila gjatë raportimit nga qyteti i Elazig, nuk i mbajti dot lotët dhe shpërtheu duke qarë.
Ajo po raportonte direkt nga terreni punën që po bëhej nga kërkim shpëtimi poshtë nën rrënojat e një ndërtese. “E kam të pamundur të mos prekem. Ju kërkoj shumë ndjesë”, dëgjohet të thotë ajo.
Ndërsa në sfond dëgjohet thirrja e bërë nga ekipi i kërkim shpëtimit, që u kërkon njerëzve që presin me ankth të rrinë në qetësi, pasi duan të dëgjojnë zërat që mund të vijnë nga rrënojat.
