Sudesh Amman, 20 vjeç është autori i sulmit me thikë në Londër, i cili u vra nga policia ditën e djeshme. Sipas autoriteteve, i riu kishte rreth një javë që ishte liruar nga burgu, pasi kishte vuajtur gjysmën e dënimit prej tre vitesh për vepra terroriste.
20-vjeçari ishte nën mbikëqyrjen e policisë në kohën e sulmit, për të cilën policia beson se është një incident terrorist i lidhur me islamistët.
Nga sulmi, 3 persona u plagosën dhe për fat të mirë janë jashtë rrezikut për jetën.
Kryeministri Boris Johnson tha që qeveria do të njoftojë planet e mëtejshme për "ndryshime thelbësore në sistemin e trajtimit të atyre të dënuar për vepra terrorizmi".