Zyrtarët grekë dhe banorët nga ishujt që strehojnë mijëra azilkërkues organizuan një protestë në Athinë të enjten kundër planeve për ndërtimin e kampeve të reja, shkruan AFP.
Dhjetëra demonstrues nga ishujt e Egjeut të Lesbos, Chios dhe Samos u mblodhën jashtë ministrisë së brendshme, duke shfaqur parulla kundër projektit të kampeve.
Qeveria e re konservatore e cila erdhi në pushtet në korrik ka njoftuar se kampet e tanishme, të cilat janë shtrirë disa herë përtej kapacitetit, do të mbyllen këtë vit.
Ato do të zëvendësohen me lehtësira të reja, më të vogla që do të funksionojnë nga mesi i vitit 2020.