Sistem i ri vizash në Britani pas daljes nga BE-ja, punësimi bëhet me pikë

Evropë

Sistem i ri vizash në Britani pas daljes nga BE-ja, punësimi bëhet me pikë

Më: 19 shkurt 2020 Në ora: 23:50
Britania e Madhe

Punonjësit pa shumë aftësi nuk do të sigurojnë dot viza në Britaninë e Madhe, sipas planeve për emigracionin, në periudhën e post-Brexit. 

Qeveria, synon të reduktojë emigracionin në vend, dhe kërkon një sistem me pikë, mbi bazë të secilit punonjësit e huaj që duan të vijnë në Britaninë e Madhe duhet të flasin anglisht, të kenë një oferte të mirë pune dhe gjithashtu një sponsor të aprovuar. Ata do të vlerësohen me 50 pikë nëse i përmbushin këto kritere.

Pikë të tjera do të shtohen për kualifikimet, paga e ofruar dhe punësimi në një sektor ku ka mungesa. Në total emigrantët duhet të arrijnë 70 pikët që të punojnë në Britaninë e Madhe. Në skemën e re, qeveria i kërkon punëdhënësve të mos mbështeten më në punën e lirë nga Evropa, dhe të investojnë tek stafi aktual dhe zhvillimi i teknologjisë të automatizimit.

Sipas Qeverisë së Britanisë së Madhe “është e rëndësishme që punëdhënësit të mos e shohin më sistemin e emigracionit si një alternativë ndaj investimeve në staf, produktivitet dhe teknologji”. Plani sugjeron se 3.2 milion qytetarët e Bashkimit evropian të cilët kanë aplikuar për vazhdim të qëndrimit në Britaninë e Madhe, mund të ndihmojnë në mbushjen e mungesave në tregun e punës.

Laburistët kritikojnë skemën e re, me pretendimin se ajo krijon një ambient armiqësor dhe vështirëson tërheqjen e punonjësve të rinj. Por ministrja e Brendshme Priti Patel replikoi se sistemi i ri , nënkupton se vetëm më të mirët do të jenë në gjendje të vijnë në Britaninë e Madhe.

Ajo bëri gjithashtu të ditur se shtetasit e BE dhe të tjerët jashtë Bashkimit Evropian që shkojnë në Mbretërinë e Bashkuar do të trajtohen njësoj pasi lëvizja e lirë të marrë fund në 31 dhjetor. Që të implementohen, ndryshimet në sistemin e emigracionit duhet të miratohen nga parlamentaret.

Shfaq komentet
comments powered by Disqus
Sot mund të lexoni Shfletoni kopertinat