Ky është shteti evropian i prekur më së shumti nga koronavirusi

Evropë

Ky është shteti evropian i prekur më së shumti nga koronavirusi

Më: 22 shkurt 2020 Në ora: 19:33
Foto ilustrim

Italia po përballet me shpërthimin më të madh në Evropë të koronavirusit, duke njoftuar deri tani vdekjen e dy personave dhe infektimin e 50 të tjerëve.

Sipas një buletini të Organizatës Botërore të Shëndetësisë (OBSH), asnjë vend tjetër në Evropë nuk ka më shumë raste të koronavirusit se sa Italia.

Gjermania ka 16, Franca 12, me një të vdekur, dhe Britania e Madhe vetëm tre.

Rasti i parë i viktimës në Itali u njoftua dje, një 78-vjeçar nga rajoni verilindor i Venetos.

I dyti, një 77-vjeçare vdiq në Lombardi, rajoni verior që përfshin edhe Milanon.

”Ajo u gjet e vdekur në shtëpi dhe testet pas vdekjes treguan se ajo kishte këtë virus”, tha komisioneri i Shëndetësisë për Lombardinë Giulio Gallera në një konferencë për shtyp.

”Ajo po trajtohet si viktimë e sëmundjes Covid-19 edhe nëse nuk ishte e qartë nëse koronavirusi ose kushtet e tjera is hin shkaku i vdekjes”, shtoi ai.

Komisioneri tha se në Lombardi gjithsej 39 persona ishin testuar pozitivë, përfshirë gruan e vdekur.

”Në Veneto, shifra është 12”, tha presidenti i rajonit, Luca Zaia.

Autoritetet italiane janë duke ndërmarrë masa drastike në përpjekje për të përmbledhur dy grupimet e veçanta të virusit, origjina e të cilave mbetet ende e pashpjegueshme.

Në Lombardi, përqendrimi ishte tek një biznesmen që u kthye nga Kina më 21 janar dhe i cili ishte në kontakt të përsëritur me rastin e parë të rajonit Covid-19, një 38-vjeçar, aktualisht nën kujdes intensiv.

Biznesmeni ka rezultuar negativ dhe mjekët po shohin nëse ai ka zhvilluar antitrupa ndaj koronavirusit.

Në Lombardi, shkollat dhe shumica e dyqaneve dhe bizneseve janë mbyllur dhe njerëzve u kërkohet të qëndrojnë në shtëpi.

Ngjarjet publike, përfshirë shërbesat në kisha, festat e karnavaleve apo ndeshjet e futbollit janë ndaluar.

Masa të ngjashme po merren edhe në Veneto.

Para ditës së djeshme, Italia kishte tre pacientë të konfirmuar nga koronavirusi: një çift turistësh të moshuar kinezë dhe një italian i riatdhesuar nga Wuhan, epiqendra e shpërthimit në Kinë.

commentFirst article
Sot mund të lexoni Shfletoni kopertinat