Italianët nuk kanë frikë nga koronavirusi. Kjo është ajo që del nga sondazhi i kryer nga “Nielsen Global Connect”, një kompani që mat dhe analizon të dhëna, me qëllim verifikim të ndikimit të Covid-19 në Itali, vendi më i prekur në Europë.
Sipas sondazhit, 94% e popullsisë thanë se ishin të informuar për virusin të paktën një herë në ditë dhe 69% e bënë këtë disa herë gjatë ditës, por vetëm 17% e totalit thanë se ata ishin të shqetësuar në të vërtetë për infeksionin, ose mundësinë e një epidemie.
Vetëm një pjesë e vogël e italianëve pranuan se janë të shqetësuar për ndikimin e Covid-19, me një përqindje që dëshmon të jetë më e ulët se mesatarja në zonat e kuqe të vendit.
Më të shqetësuar deri tani janë banorët e Italisë Jugore (23%), e ndjekur nga banorët në Qendër (15%) dhe banorët në Veri-Lindje dhe Veri-Perëndim (të dy me 14%).
Njerëzit në Lombardi janë 16% të shqetësuar, në Piemonte dhe Veneto vetëm 11%.
"Kujdes po, por jo të frikësuar – shpjegoi Stefano Cini, drejtor i analitikës së sondazhit.
Italianët, dhe veçanërisht banorët e zonave më të prekura, duan të kthehen në normalitet. Pas një javë bllokadë totale, shkollat (si dhe muzetë dhe zyrat) duhet të rihapen në disa rajone të Hënën. Shumë thanë se ndryshuan stilin e jetës në kohën e koronavirusit (për shembull, më shumë se një e treta e italianëve thonë se kanë zvogëluar shpeshtësinë me të cilën hanë jashtë shtëpisë), por tani dëshira për t’u rikthyer në jetë ngadalë po rishfaqet.
Sa i përket kohës së kthimit në gjendjen e rrezikut, italianët janë të ndarë në ata që besojnë se do të duhet një muaj për të dalë nga faza e përhapjes së virusit (46%), ndërsa 54% e mbetur besojnë se do të zgjasë më shumë. Lombardia është rajoni më optimist deri tani, me 54% të qytetarëve të bindur se urgjenca shëndetësore mund të kthehet brenda katër javësh.