KE-ja kërkon mbledhje urgjente pas hapjes së kufijve nga Turqia

Evropë

KE-ja kërkon mbledhje urgjente pas hapjes së kufijve nga Turqia

Më: 1 mars 2020 Në ora: 17:14
Foto ilustrim

Komisioni Evropian (KE) ka kërkuar mbledhje urgjente të ministrave të punëve të brendshme të shteteve anëtare të Bashkimit Evropian (BE), pasi Turqia ka hapur kufijtë e saj për emigrantët.

Nënkryetari i KE-së, Margaritis Schinas, që është funksionari kryesor evropian për çështje të emigrantëve, ka kërkuar sot nga Kroacia, të thërrasë mbledhje urgjente.

Schinas ka shkruar në Twitter, se i është drejtuar me këtë kërkesë ministrit të Punëve të Brendshme të Kroacisë, Davor Bozhinoviqit.

Kroacia ka kryesimin e radhës të BE-së.

Turqia së fundi ka hapur kufijtë, pasi po e akuzon BE-në se nuk po e respekton Marrëveshjen e vitit 2015, për ndihmë këtij vendi rreth menaxhimit të krizës me emigrantët.

commentFirst article
Sot mund të lexoni Shfletoni kopertinat