Serbia raporton rastin e saj të parë me coronavirus, ndërsa lajmin e ka bërë të ditur ministri serb i Shëndetësisë, Zlatibor Lonçar.
Sipas mediave të huaja,bëhet fjalë për një burrë 43-vjeç nga Subotica.
“I infektuari gjendet në karantinë, ndërsa nuk ka asnjë problem serioz shëndetësor”, ka thënë Lonçar.
Raportohet se i prekuri udhëtonte shpesh në Hungari me motrën e tij, e cila kishte simptoma të infeksionit të frymëmarrjes.
“Nuk keni nevojë të frikësoheni, kërkojmë nga të gjithë qytetarët të zbatojnë rekomandimet, ndërsa Serbia është plotësisht e përgatitur”, u shpreh Lonçar.
Sipas të dhënave më të fundit nga Instituti Torlak, deri më tani 60 persona janë testuar në Serbi, ndërsa epidemiologu Predrag Kon ka deklaruar se rastet e tjera mund të shfaqen edhe në të ardhmen.
