Spanja e tejkalon Kinën për nga numri i të vdekurve nga koronavirusi - Bota Sot
Spanja e tejkalon Kinën për nga numri i të vdekurve nga koronavirusi

Evropë

Spanja e tejkalon Kinën për nga numri i të vdekurve nga koronavirusi

Më: 25 mars 2020 Në ora: 18:11
Ilustrim

Në bazë të statistikave të fundit, Spanja e ka tejkaluar Kinën për nga numri I të vdekurveme koronavirus, duke regjistruar kështu gjithsej 3.434 të vdekur. Ndërkohë raportohet se në Itali është vërejtur një ngadalësim i rritjes së numrit të të infektuarve, gjë e cila i ka rritur shpresat se kjo pandemi është duke përfunduar.

Aktualisht në Spanjë kanë vdekur 738 persona vetëm brenda 2 4 orëve të fundit, mirëpo zyrtarët mjekësore atje thonë se kjo rritje është duke u ngadalësuar dhe me ndihmën e duhur situata do të shkojë drejt stabilizimit.

Italia ende shënon epiqendrën e pandemisë së COVID-19 në Evropë dhe botë,  me 6.820 persona të vdekur.  Ndërkaq në bazë të dhënave atje situate është duke u stabilizuar, për shkak se të martën janë regjistruar vetëm 753 të vdekur, në krahasim me ditët e tjera, ku kishte  një numër shumë më të madh të të vdekurve.

“Ky është një faktor shumë pozitiv, sepse situata po stabilizohet në vendet më të prekura, ndërkohë shumë vende të tjera kanë një numër shumë të ulët të personave të infektuar”, tha Ranieri Guerra, nga Organizata Botërore e Shëndetësisë.  “Unë besoj se kjo javë dhe java e ardhëshme do të jetë vendimtare sa I përket pandemisë së koronavirusit dhe gjendjes aktuale në botë”, shtoi ai.

Ndërkohe, Spanja të martën ka kërkuar ndihmë për mjete mjeksore duke përfshirë 450.000 respiratorë dhe 500.000 teste dhe 1.5 milion maska.

Numri I të infektuarve në të gjithë botën ka shkuar në 423.000 persona.

Shfaq komentet
comments powered by Disqus
Sot mund të lexoni Shfletoni kopertinat