Pas kryeministrit të Britanisë së Madhe, Boris Jonson, edhe një tjetër ministër i rëndësishëm në kabinetin e tij preket nga COVID-19.
Ministri i Shëndetësisë në Britani të Madhe, Matt Hancock,rezulton me koronavirus.
Lajmin e ka dhënë vetë ai me anë të një postimi në Twitter, ku tha se ka dalë pozitiv ndaj testit të COVID-19, por ka vetëm disa simptoma të lehta. Ai ndodhet në vetëizolim në shtëpinë e tij.
“Duke ndjekur këshillat mjekësore, pas disa simptomave të lehta shkova të bëja testin e koronavirusit, i cili doli pozitiv. Fatmirësisht simptomat e mia janë të lehta dhe jam duke punuar nga shtëpia në vetëizolim”, shkruan 42-vjeçari në Twitter ku ka postuar dhe një video.
