Britania nuk e ka arritur ende kulmin e COVID-19 i cili do të lejonte një lehtësim të kufizimeve të ëvizjes, tha të shtunën ministri i shëndetësisë Matt Hancock.
Numri i të vdekurve në spitalet britanike ka arritur në gati 9,000, me 980 vdekje të tjera të raportuara të premten, një shifër e cila tejkaloi ditën më vdekjeprurëse deri më tani në Itali, vendi më i goditur nga virusi.
Në mesin e atyre që janë infektuar është kryeministri Boris Johnson, i cili po shërohet në spital pasi kaloi tre netë në kujdesin intensiv. Zyra e tij tha se ai po përmirësohej dhe ishte përsëri në këmbë, megjithëse shërimi i tij ishte ende në një fazë të hershme.
Britania vendosi një bllokim tre javë më parë në një përpjekje për të frenuar përhapjen e virusit dhe qeveria ka qënë nën presionin në rritje se sa do të zgjasnin masat e rrepta për lëvizjet, me njerëz të detyruar të qëndrojnë në shtëpi dhe shumë biznese të paafta për të punuar.
Por Britania duhet ta kalojë kulmin e epidemisë përpara se të mund të bëhen lehtësime dhe Hancock tha se megjithëse numri i pranimeve në spital kishte filluar të nivelohej, nuk kishte prova të mjaftueshme akoma për të pasur besim se ata e kishin kaluar më të keqen.
"Gjykimi ynë është që nuk jemi akoma tek piku. Ne nuk kemi parë një rrafshim të mjaftueshëm për të qenë në gjendje të themi se kemi arritur kulmin, "tha ai për radio BBC.
Disa shkencëtarë kanë sugjeruar që piku mund të jetë akoma disa javë larg, por Hancock tha se "askush nuk e di" kur do të ndodhë.
