Gjermania thotë se e ka nën kontroll Coronavirusin

Evropë

Gjermania thotë se e ka nën kontroll Coronavirusin

Më: 17 prill 2020 Në ora: 13:21
Ilustrim

Përhapja e koronavirusit në Gjermani po menaxhohet pasi numri i pacientëve të shëruar ka qenë më i lartë se numri i infeksioneve të reja këtë javë, ka thënë ministri i Shëndetësisë Jens Spahn të premten.

Kancelarja Angela Merkel ka thënë se Gjermania do të ndërmarrë hapa për lehtësim të masave të izolimit duke rihapur disa dyqane javën e ardhshme dhe shkollat me datën 4 maj.

“Shpërthimi i virusit – sikur sot – është i kontrollueshëm dhe po menaxhohet mjaft mirë”, ka thënë Spahn në një konferencë për shtyp, duke shtuar se sistemi i kujdesit shëndetësor “nuk ishte i mbingarkuar deri më tani”.

Spahn tha se aplikacioni i gjurmimit të kontaktit për koronavirus do të jetë gati për gjermanët që ta shkarkojnë dhe përdorin në telefonat e tyre për tre deri në katër javë. Drejtuesit e qeverisë federale dhe shtetërore gjermane thanë të mërkurën se ata do të mbështesin përdorimin e aplikacionit të gjurmimit të kontaktit, kur ai të jetë gati, në mënyrë që njerëzit të mësojnë shpejt kur ata kanë qenë të ekspozuar ndaj një personi të infektuar.

Zhvilluesit e aplikacionit janë duke punuar shumë për të siguruar që mbrojtja e të dhënave të jetë “sa më perfektë që të jetë e mundur”, ka thënë Spahn për ARD.

Burime të njohura mbi këtë çështje thonë se aplikacioni i gjurmimit të kontaktit i institutit shëndetësor Robert Koch tashmë është gati dhe po testohet, por lansimi i tij do të koordinohet me masat e Gjermanisë për të lehtësuar kufizimet e lëvizjes.

Gjermania radhitet e pesta sipas numrit të infeksioneve me COVID-19 pas Shteteve të Bashkuara, Spanjës, Italisë dhe Francës me gati 134,000 të infektuar duke mbajtur një numër relativisht të ulët prej 4000 viktimave.

commentFirst article
Sot mund të lexoni Shfletoni kopertinat