Greqia do të fillojë të lehtësojë gradualisht kufizimet e izolimit duke filluar nga e hëna, njoftoi të martën kryeministri grek Kyriakos Mitsotakis në një fjalim televiziv.
Duke filluar nga e hëna, kufizimet për lëvizjen e qytetarëve do të hiqen, tha Mitsotakis. Sidoqoftë, qytetarët ende nuk do të lejohen të lëvizin jashtë qarkut të vendbanimit për të paktën dy javë, raporton CNN, transmeton lajmi.net.
Disa biznese – libraritë, dyqanet ushqimore, të teknologjive libraritë, si dhe sallonet e flokëve – do të lejohen të rihapen të hënën. Dyqanet e tjera të shitjes me pakicë mund të rihapen biznesin në 11 maj, përveç qendrave tregtare që do të hapen më 1 qershor, sipas kryeministrit.
Në Greqi do të ketë kufizime të caktuara që do të limitojnë sasinë e klientëve, shtoi Mitsotakis, duke shtuar që do të merren masa të tjera të rrepta për të mbrojtur punëtorët. Baret dhe restorantet do rihapen më 1 qershor, por sipas rregullave të reja.
Mitsotakis njoftoi gjithashtu se shkollat gradualisht do të rihapen më 11 maj, por vetëm për studentët në vitin e fundit të shkollës së mesme. Pjesa tjetër e nxënësve të shkollës së mesme do të fillojnë një javë më pas.
Shkollat fillore dhe kopshtet e fëmijëve do të mbesin të mbyllura. “Ata mund të rihapen më 1 qershor vetëm nëse jemi plotësisht të sigurt se epidemia po shkon drejt greminës,” tha kryeministri grek.
