Mbi 30,000 viktima nga koronavirusi në Itali

Evropë

Mbi 30,000 viktima nga koronavirusi në Itali

Më: 8 maj 2020 Në ora: 23:36
Milano, Itali

Italia u bë vendi i parë në Bashkimin Evropian që regjistroi mbi 30,000 viktima na koronavirusi.

Autoritetet atje thanë se kanë regjistruar 243 viktima të premten, krahasuar me 274, një ditë më parë.

Me shifrat e fundit, numri i përgjithshëm i viktimave arrin në 30,201.

Numri ditor i rasteve të reja me koronavirus ka rënë lehtë në 1,327.

Në total, Italia ka regjistruar 217,185 të infektuar.

Ky vend ka numrin e tretë më të madh të viktimave nga koronavirusi, pas Shteteve të Bashkuara dhe Mbretërisë së Bashkuar.

Britania e ka kaluar shifrën prej 30,000 viktimash të mërkurën.

Spanja është vendi i tretë më i goditur në Evropë, me mbi 26,000 të vdekur. /REL

Shfaq komentet
comments powered by Disqus
Sot mund të lexoni Shfletoni kopertinat