Një tjetër viktimë nga sindroma e Kawasakit! Pse po alarmohen mjekët nëpër botë? - Bota Sot
Një tjetër viktimë nga sindroma e Kawasakit! Pse po alarmohen mjekët nëpër botë?

Evropë

Një tjetër viktimë nga sindroma e Kawasakit! Pse po alarmohen mjekët nëpër botë?

Më: 16 maj 2020 Në ora: 08:19
Ilustrim

Një djalë nëntë vjeçar ka humbur jetën në Francë, nga një sëmundje e rrallë që besohet të jetë e lidhur me koronavirusin. Kjo është vdekja e parë e regjistruar në Francë, pas tre vdekjeve të raportuara në Nju Jork, nga një sëmundje e rrallë që besohet të jetë e lidhur me koronavirusin.

Sindroma e rrallë që sjell vdekjen te fëmijët e infektuar me COVID-19, po hetohet në New York dhe Londër. Fabrice Michel, kreu i njësisë së kujdesit intensiv pediatrik në spitalin La Timone në qytetin e Marsejës , tha se fëmija vdiq pas një “dëmtimi neurologjik të lidhur me një atak kardiak”, raporton France 24.

Prej shtatë ditësh, djali ishte testuar pozitiv me koronavirus dhe ishte shtruar në spital, ku humbi jetën të shtunën. Mjeku pediatrik Michel në Marsejë, theksoi se sëmundja është e rrallë.

Vetëm në tre javët e fundit, disa vende kanë raportuar raste të fëmijëve të prekur nga një sëmundje inflamatore me simptoma të ngjashme me ato të një gjendje të rrallë e quajtur sëmundja e Kawasaki, e cila besohet se është e lidhur me Covid-19.

Shfaq komentet
comments powered by Disqus
Sot mund të lexoni Shfletoni kopertinat