Zelanda e Re sugjeron katër ditë punë në javë - Bota Sot
Zelanda e Re sugjeron katër ditë punë në javë

Evropë

Zelanda e Re sugjeron katër ditë punë në javë

Më: 21 maj 2020 Në ora: 17:58
Jacinda Ardern

Kryeministrja e Zelandës së Re, Jacinda Ardern ka inkurajuar sistemin me katër ditë pune në javë, me qëllim të rritjes së turizmit të brendshëm.

Industria shtetërore e turizmit e cila është një nga sektorët më të rëndësishëm, është goditur rëndë si pasojë e pandemisë Covid-19.

Kjo ide ka gëzuar shumë banorë të këtij vendi.

Nëpër platforma online disa kanë treguar gatishmëri për të pranuar këtë ide, derisa të tjerë kanë thënë se një gjë e tillë do të rezultonte me orar më të gjatë të punës – duke i bërë njerëzit më pak produktivë.

Mirëpo një biznes në Zelandën e Re, që ka nisur të funksionojë me katër ditë pune në javë nga viti 2018, ka thënë se një gjë e tillë përfundimisht mund të bëhet.

“Mund të jetë strategji për të rindërtuar ekonominë, në veçanti tregun e dëmtuar të turizmit”, ka thënë Andrew Barnes, themelues i Perpetual Guardian ka thënë për të përditshmen britanike The Guardian.

“Neve na duhet të jemi të guximshëm me modelin tonë. Kjo është një mundësi për një ndryshim të madh”, ka thënë mes tjerash ai.

Shfaq komentet
comments powered by Disqus
Sot mund të lexoni Shfletoni kopertinat