​Në Berlin dhe Londër qindra protestues për shkak të vdekjes së George Floyd - Bota Sot
​Në Berlin dhe Londër qindra protestues për shkak të vdekjes së George Floyd

Evropë

​Në Berlin dhe Londër qindra protestues për shkak të vdekjes së George Floyd

Më: 31 maj 2020 Në ora: 22:27
Foto

Qindra protestues u mblodhën në Londër dhe Berlin sot për të treguar solidaritetin me protestuesit në Shtetet e Bashkuara që dolën në rrugët e qyteteve amerikane për vdekjen e afrikano-amerikanit George Floyd gjatë një arrestimi në Minneapolis në fillim të javës së kaluar.

Protestuesit u gjunjëzuan në sheshin ‘Trafalgar’ në Londrën qendrore duke bërtitur "Jo drejtësi, pa paqe" dhe më pas marshuan në protestë para ndërtesës së parlamentit dhe ambasadës amerikane.

Policia tha se kishte arrestuar pesë protestues para ambasadës amerikane, tre për shkelje të masave epidemiologjike dhe dy për sulm ndaj oficerëve të policisë.

Qindra protestues u mblodhën gjithashtu para Ambasadës së SHBA-së në Berlin me pankarta "Drejtësia për George Floyd" dhe "Ndaloni të na vrisni".

Protestat e dhunshme kanë vërshuar nëpër Shtetet e Bashkuara për disa ditë mbi vdekjen e afrikano-amerikanit George Floyd në Minneapolis, të cilin një polic me rastin e arrestimit, e shkeli në qafë, pas së cilës ai vdiq.

Shfaq komentet
comments powered by Disqus
Sot mund të lexoni Shfletoni kopertinat