Shpresa për hapjen e kufijve! Evropianët po shohin për pushime destinacionet e tyre të preferuara - Bota Sot
Shpresa për hapjen e kufijve! Evropianët po shohin për pushime destinacionet e tyre të preferuara

Evropë

Shpresa për hapjen e kufijve! Evropianët po shohin për pushime destinacionet e tyre të preferuara

Më: 1 qershor 2020 Në ora: 20:24
Foto

Kroacia, një destinacion mjaft i preferuar turistik, është e fundit që vendos rihapjen e kufijve teksa numri i rasteve me koronavirus ka rënë ndjeshëm në vend. Qytetarëve të 10 shteteve do t’u lejohet lëvizja atje, duke përfshirë këtu ata sllovenë, hungarezë, austriake e gjermanëve, por jo italianëve.

Teksa shumë vende evropiane kanë nisur zbutjen e masave kundër pandemisë, plot njerëz në kontinentin e vjetër po nisin ta shohin me shpresë të shtuar mundësinë për t’i kaluar pushimet verore në zonat e preferuara. Por ka një tablo mikse në Evropë, ku lëvizja zakonisht e lirshme në zonën Schengen, tani është më e kufizuar.

Qeveria gjermane pritet ta shfuqizojë deri më 15 qershor paralajmërimin për të udhëtuar në 31 vende europiane. Kjo do të thotë se pas datës 15 qershor nuk do të jetë më në fuqi as rekomandimi për të qëndruar 14 ditë në karantinë për ata që vinin në Gjermani nga këto vende. Edhe ministri i Jashtëm italian Luigi Di Maio tha se “po angazhohemi të gjithë që të arrijmë që në 15 qershor të mund të rihapen kufijtë në Evropë.”

Për turizmin kjo datë mund të kthehet në një lloj “dite evropiane të zbarkimit të turistëve”. Por fatkeqësisht edhe pak javë para pushimeve të verës, nuk duket se qarkullimi i lirë në Evropë do të rikthehet në normalitetin e dikurshëm, sepse masat shëndetësore në vende të ndryshme janë mjaft larg njëra-tjetrës. Për shembull jo kudo vlen detyrimi për mbajtjen e maskës dhe respektimin e distancës minimale midis njerëzve. Po ashtu edhe kriteret për një shtrëngim të mundshëm të masave të rast se shtohet numri i të infektuarve nuk janë të njëjta.

Shfaq komentet
comments powered by Disqus
Sot mund të lexoni Shfletoni kopertinat