Reuters: Numri i të vdekurve në Britani nga COVID-19 i afrohet shifrës 50.000 - Bota Sot
Reuters: Numri i të vdekurve në Britani nga COVID-19 i afrohet shifrës 50.000

Evropë

Reuters: Numri i të vdekurve në Britani nga COVID-19 i afrohet shifrës 50.000

Më: 2 qershor 2020 Në ora: 12:15
Foto ilustrim

Numri i të vdekurve në Britani të Madhe nga COVID-19 i është afruar shifrës 50.000 të martën, një shifër e zymtë për kryeministrin Boris Johnson, ndërsa po merr hapat për të zbutur masat kufizuese të vendosura për të parandaluar përhapjen e koronavirusit, shkruan agjencia Reuters.

Numri i të vdekurve qëndron te 49.646, përfshirë këtu të dhënat e certifikatave të vdekjes nga Anglia dhe Uellsi, shifrat e mëhershme nga Skocia e Irlanda e Veriut, dhe të vdekurit e fundit në spitalet në Angli.

Në mars, autoritetet shëndetësore britanike kishin dhënë se mbajtja e numrit të vdekurve nën 20 mijë do të ishte rezultat i mirë. Në prill, Reuters ka raportuar se në skenarin më të keq të mundshëm, qeveria ka llogaritur deri në 50 mijë të vdekur.

Të dhënat e përditshme të publikuara nga qeveria janë më të ulëta, ku janë raportuar 39.045 të vdekur. Raportohet se rreth 62 mijë persona kanë vdekur më tepër se zakonisht gjatë pandemisë.

Shfaq komentet
comments powered by Disqus
Sot mund të lexoni Shfletoni kopertinat