Sot mbahen zgjedhjet presidenciale në Poloni, ku presidenti i tanishë, Andrzej Duda lufton për mandatin e dytë në këtë post. Ndonëse është njëri ndër kandidatët favorit, nuk pritet që në këto zgjedhje të ketë fitues në rundin e parë, ku do të nevojiteshin më shumë se 50 për qind e votave.
Këto zgjedhje po vlerësohen edhe si test për liderët populistë të Evropës. Fundjavën e kaluar, presidenti serb, Aleksander Vuçiq, e forcoi pozitën e vet në pushtet përmes zgjedhjeve parlamentare që u bojkotuan nga opozita, shkruan “AP”.
Në zgjedhjet presidenciale të së dielës po marrin pjesë 11 kandidatë, në mesin e të cilëve nuk është asnjë grua. Në rast se asnjëri nga kandidatët nuk merr më shumë se 50 për qind të votave në rundin e parë, dy kandidatët më të votuar do të përballen në balotazh më 12 korrik.
