Shteti evropian mund të falimentojë dhe ta humbasë pavarësinë - Bota Sot
Shteti evropian mund të falimentojë dhe ta humbasë pavarësinë

Evropë

Shteti evropian mund të falimentojë dhe ta humbasë pavarësinë

Më: 6 korrik 2020 Në ora: 14:45
Foto ilustrim

Për shkak të borxhit dhe krizës ekonomike për shkak të pandemisë, Republika e San Marinos mund ta humbasë pavarësinë e saj 1,300-vjeçare, shkruan e përditshmja “Il fatto Quotidiano”.

Në fillim të pandemisë, San Marino për arsye ekonomike hezitoi të karantinohet edhe pasi 1,200 qytetarë nga gjithsej 33,000 u infektuan me koronavirus.

Edhe para pandemisë, sistemi bankar i San Marinos ishte duke u shembur, borxhet u rritën në 360 milion euro, dhe tani, për të shmangur falimentimin, autoritetet e San Marinos po kërkojnë ndihmë nga Italia fqinje.

Republika e San Marinos ka qenë një strehë taksash për shumë vite, një vend ideal për të fshehur paratë dhe për të mbuluar gjurmët e kompanive, pasurinë e të cilave pronarët nuk mund ta provonin.

Nga 11 banka, gjashtë falimentuan dhe humbjet duhej të kompensoheshin nga shteti.

Në pesë vitet e fundit, pasuria e San Marinos është përgjysmuar, produkti social para pandemisë së koronavirusit ishte më i ulët për 28% dhe për shkak të infeksionit dhe karantinës u ul me 12% të tjerë, transmeton Gazeta Sinjali.

Për ta lehtësuar krizën ekonomike, Republika e San Marinos shtypi obligacione qeveritare “Titano” (e quajtur pas malit Titano në shpatet e të cilave shtrihet vendi) në vlerën 500 milion euro.

Një “titano” vlen një euro, por edhe kjo nuk është e mjaftueshme, pasi ka mungesë parash për pagimin e pensioneve për jetën, shkruan gazeta.

Madje po merret në konsideratë futja e një takse mbi vlerën e shtuar, e cila do të ishte një precedent në historinë e vendit më të vogël në botë.

“Il fato Cotidiano” shkruan se nëse San Marino nuk ndihmohet, mund të “bjerë” në duart e kryeqytetit kinez ose rus, të cilin më pas mund ta përdorin për të blerë vota në institucione ndërkombëtare, siç janë OKB, OSBE dhe të ngjashme.

Rreth 10,000 italianë që kanë nënshtetësi të dyfishtë jetojnë në San Marino, kështu që ky është një nga motivet që disa politikanë italianë apelojnë ta ndihmojnë atë, sepse “nëse San Marino dështon, do të jetë një tragjedi edhe për italianët”, pohon anëtari i Partisë Demokratike Marco di Maio.

Shfaq komentet
comments powered by Disqus
Sot mund të lexoni Shfletoni kopertinat