Numri i vdekjeve të reja dhe infeksioneve koronavirus në Francë të mërkurën ishte më i lartë se mesatarja e regjistruar në javën e kaluar, dhe zyrtarët shëndetësorë po paralajmërojnë një valë të dytë të mundshme të Covid-19.
Sot kishte 663 infeksione të reja, krahasuar me 475 të martën, ndërsa kishte 32 vdekje, gati dyfishi i mesatares së javës së kaluar.
Mesatarja e javës së kaluar ishte 536 infeksione të reja në ditë. Në qershor, mesatarja ishte 435, në maj 715 dhe në prill 2582.
Kreu i agjencisë franceze të shëndetit publik, Jerome Salomon, tha sot se Franca duhet të përgatitet për valën e dytë të epidemisë.
Ndryshe, Franca renditet e gjashta në botë për nga numri i vdekjeve nga COVID-19.
