​Belgjika zgjeron mbajtjen e detyrueshme të maskës - Bota Sot
​Belgjika zgjeron mbajtjen e detyrueshme të maskës

Evropë

​Belgjika zgjeron mbajtjen e detyrueshme të maskës

Më: 10 korrik 2020 Në ora: 10:32
Ilustrim

Belgjika do të ratifikojë sot zgjerimin e mbajtjes së detyrueshme të maskës, që do të mbahet që prej të shtunës në dyqane, kinema, vendet e kultit, si dhe në muze dhe biblioteka, për të mbrojtur më mirë popullsinë nga koronavirusi.

“Kjo listë mund të zgjerohet me kalimin e kohës, në funksion të situatës epidemiologjike të vendit tonë.

Mbajtja e maskës mbetet e rekomanduar edhe në situata të tjera”, shkruan qeveria e kryeministres, Sophie Wilmes në një komunikatë të publikuar dje.

Mbajtja e maskës është tashmë e detyrueshme në transportin publik apo gjatë ushtrimit të profesioneve me kontakt të afërt, si parukeritë.

Belgët që nuk respektojnë këto detyrime do të përballen me sanksione penale. Fëmijët nën moshën 12 vjeç nuk janë të përfshirë.

COVID-19 ka shkaktuar rreth 10 000 të vdekur në Belgjikë.

Ky vendim, që u mor pas rekomandimit të një grupi ekspertësh, do të miratohet sot nga një Këshill Kombëtar sigurie.

Shfaq komentet
comments powered by Disqus
Sot mund të lexoni Shfletoni kopertinat