Dita e katërt e protestave në Beograd: Protestuesit rrëzojnë rrethojën para parlamentit - Bota Sot
Dita e katërt e protestave në Beograd: Protestuesit rrëzojnë rrethojën para parlamentit

Evropë

Dita e katërt e protestave në Beograd: Protestuesit rrëzojnë rrethojën para parlamentit

Më: 11 korrik 2020 Në ora: 12:37
Beograd

Protestat në Beograd kanë vazhduar edhe në ditën e katërt, ndërsa protestuesit të premtën rrënuan rrethojë para parlamentit serb, respektivisht zhvendosën atë tek shkallët e ndërtesës ku dhe ndezën pishtarët.

Protestuesit u tubuan para parlamentit serb në ditën e katërt me radhë kundër masave të ndërmarra nga qeveria për të luftuar pandeminë e koronavirusit të ri (COVID-19).

Siç raporton, Anadolu Agency, në Beograd të premtën ishte qetë deri në orën 21:15, por më pas protestuesit rrënuan gardhin para parlamentit dhe depërtuan në shkallët e ndërtesës.

Protestuesit të cilët kaluan rrethojën dëbuan edhe gazetarët dhe kameramanët para hyrjes së ndërtesës, me qëllim që t’i pengojnë të regjistrojnë atë që ndodhte atje.

Para parlamentit nuk kishte forca policore, ndërsa kordoni i sigurisë u formua pasi protestuesit rrënuan gardhin.

Protestuesit po ashtu hedhnin pishtarë, gurë dhe sende të tjera në drejtim të policisë.

Shfaq komentet
comments powered by Disqus
Sot mund të lexoni Shfletoni kopertinat