Një tren pasagjerësh dhe një tren mallrash u përplasën pranë kryeqytetit çek të martën natën, duke lënduar dhjetëra pasagjerë, thanë zyrtarët.
Sipas mediave të huaja, Inspektorati i Sigurisë Hekurudhore Çeke tha se aksidenti ndodhi afër stacionit të Cesky Brod që ndodhet vetëm në lindje të Pragës menjëherë pas orës 21.30, sipas kohës lokale.
Shërbimi rajonal i shpëtimit tha se deri në 60 pasagjerë mund të jenë lënduar të cilët janë transportuar në spitalet e afërta për trajtim.
Ky është incidenti i dytë i madh brenda një jave në rrjetin hekurudhor çek, pasi një tren pasagjerësh u përplas me një tren mallrash në kufirin çeko-gjerman në 8 korrik, duke vrarë dy persona.
Autoritetet po hetojnë shkakun e aksidentit.
