Zjarri në katedralen historike franceze shkatërron dritaret e artit dekorativ

Evropë

Zjarri në katedralen historike franceze shkatërron dritaret e artit dekorativ

Më: 18 korrik 2020 Në ora: 18:54
Foto

Një zjarr masiv në një katedrale gotike në Francë ka shkatërruar dritaret e mrekullueshme të saj me xhama dekorativë.

Kalimtarët shihnin në ankth monumentin historik në qytetin e Nantes, në perëndim të vendit, teksa tym i zi dilte prej tij mëngjesin e sotëm.

Punonjësit e emergjencës kishin rrethuar zonën e katedrales së Saint Peter e Saint Paul pranë lumit Loire.

Zjarrfikësit paralajmëronin njerëzit të qëndronin larg teksa vazhdonin luftën me flakët, ndërsa konfirmuan se çatia e katedrales nuk ishte prekur nga incidenti.

Katedralja e Saint Peter e Saint Paul është listuar si monument historik nga ministria franceze e kulturës prej vitit 1862, dhe dominon qendrën e qytetit të Nante.

Ndërtimi i saj nisi në 1434 dhe u deshën rreth katër shekuj për ta kompletuar. Salla e saj kryesore është 37.5 metra e lartë, katër metra më e lartë se ajo e Notre Dame në Paris.

Ndërtesa e rrallë u bombardua nga forcat Aleate gjatë Luftës II Botërore në qershor 1944, ku u dëmtuan tre faltoret e saj dytësore.

commentFirst article
Sot mund të lexoni Shfletoni kopertinat