Autoritetet shëndetësore në Kroaci bëjnë të ditur se gjatë 24 orëve të fundit janë konfirmuar 25 raste të tjera me Covid-19, ndërsa dy persona kanë ndërruar jetë.
Shtabi për mbrojtje civile njoftoi se me 25 rastet e reja, numri i rasteve aktive në Kroaci aktualisht është 1.150.
Ministri kroat i Shëndetësisë, Vili Berosh, njoftoi se që nga 25 shkurti i vitit 2020 kur u paraqit rasti i parë me Covid-19 në Kroaci, numri i rasteve të konfirmuara me këtë virus është 4,370.
Mosha mesatare e pacientëve të prekur nga virusi është 47.1 vjeçar.
Në spital po trajtohen 147 pacientë të prekur nga koronavirusi, prej të cilëve nëntë janë në kujdes intensiv.
Gjithsej janë shëruar 3.098 persona, përfshirë 80 të shëruar gjatë 24 orëve të fundit.
Që nga fillimi i pandemisë, Kroacia ka testuar gjithsej 104.132 persona të dyshuar për Covid-19.
