Mbi 100 persona të infektuar me COVID-19 në Kroaci dhe 3 të vdekur

Evropë

Mbi 100 persona të infektuar me COVID-19 në Kroaci dhe 3 të vdekur

Më: 23 korrik 2020 Në ora: 17:56
Kroaci

Në 24 orët e fundit, ka pasur 104 raste të reja të coronavirusit dhe tre vdekje në Kroaci, njoftoi sot Selia Kombëtare e Mbrojtjes Civile.

Aktualisht janë 1,112 pacientë, nga të cilët 132 janë në spital dhe shtatë janë në respirator.

Të ndjerit në 24 orët e fundit janë nga zona e Istrias, Zagrebit dhe qarqet Virovitica-Podravina.

Qarku i Istrias njoftoi se një grua 95-vjeçare vdiq që kishte edhe disa sëmundje të tjera ndërsa për të tjerët nuk janë dhënë detaje.

Në 24 orët e fundit, 1.417 njerëz u testuan në Kroaci, dhe gjithsej 108.222. Rreth 3,600 kontakte të infektuara aktualisht janë në izolim.

Ndryshe, që nga fillimi i epidemisë, COVID-19 është konfirmuar në 4,634 njerëz, 3.394 janë shëruar deri më tani dhe 128 pacientë kanë vdekur. 

commentFirst article
Sot mund të lexoni Shfletoni kopertinat