Një burrë ka çuditur gjithë fqinjët, pasi ka dalë i zhveshur dhe i mbuluar me gjak nga një shtëpi publike në Grimbsby të Anglisë. Mësohet se ai donte të arratisej dhe kështu doli nga dritarja duke thyer xhamin. Fqinjët e habitur e kanë parë burrin duke vrapuar nëpër rrugë teksa bërtiste: “Dikush të më ndihmojë, unë jam rrëmbyer”. Dëshmitarët gjithashtu thonë se ai ishte dëmtuar në krahun e tij të djathtë gjatë arratisjes. Në një foto tregohet se viktima po largohet nga vendi i ngjarjes dhe duket se po mban diçka në dorë. Dy persona janë arrestuar pas incidentit.
Një fqinj u shpreh:
Unë po rrija në shtëpi rreth orës 16:00 dhe dëgjova një përplasje masive. Dola jashtë për të parë ç’po ndodhte. Kishte copa xhami të shpërndarë në të gjithë pjesën e përparme të kopshtit. Burri ishte krejt i zhveshur. Ai kishte flokë të gjatë dhe gjaku i rridhte nga krahu i djathtë. Po bërtiste dhe po kërkonte ndihmë.
Ndërkohë, një fqinj tjetër tha:
Shtëpia nga e cila u arratis është plot me femra që ofrojnë seks. Ne kemi raportuar për të herë pas here në polici dhe kohët e fundit ajo u bastis. Viktima duhet të ketë qenë shumë i frikësuar, përderisa doli duke thyer një dritare dhe i zhveshur, duke rrezikuar jetën e tij.
Madje thuhet se viktima ishte rrahur keq nga dy burra para se të arrinte të dilte jashtë. Uniformat blu po hetojnë ngjarjen akoma.