Në 26 vendet e Bashkimit Evropian, transporti me makinë dominon në krahasim me udhëtimet me tren dhe autobus.
Sipas të dhënave të vitit 2018 të publikuara nga Eurostat, 82.9% e udhëtimeve të pasagjerëve janë kryer me makinë, 9.3% me autobus dhe vetëm 7.9% me tren.
Mes vendeve anëtare të BE-së, për qindjen më të mëdha të lëvizjes me makinë e ka Lituania me 90.4%.
Në vend të dytë është Portugalia (88.4%) dhe në të tretin Sllovenia (86.4%).
Ndërsa sa i takon udhëtimeve me tren në krye të BE-së qëndron Austria (12.9%).
Pas saj vijnë Holanda (11.2%) dhe Franca (10.3%).
Kurse për transportin me autobus në vend të parë është Hungaria (20.8%) e ndjekur nga Qipro (18.9%) dhe Malta (17.5%).
Në të gjitha këto të dhëna janë përllogaritur vetëm udhëtimet brenda secilit vend.
Kjo pasqyrë e të dhënave do të jetë ndryshe për vitin 2020 për shkak të masave të COVID dhe masave kufizuese të vendosura nga vendet anëtare të BE-së.
