Estonia ka emëruar presidenten e saj Kersti Kaljulaid, për postin e sekretarit të Përgjithshëm të Organizatës për Bashkëpunim Ekonomik dhe Zhvillim (OECD).
“Jam e nderuar”, shkroi Kaljulaid në Twitter, ndërsa theksoi nevojën për multilateralizëm dhe zgjidhje ndërkombëtare, pas njoftimit nga Ministria e Jashtme për emërimin e saj.
Sekretari aktual i përgjithshëm i OECD-së, Angel Gurria tha në korrik se nuk do të aplikonte për një mandat tjetër në krye të grupit.
Pasardhësi i tij do të zgjidhet nga 37 vendet anëtare të OECD-së për një mandat pesëvjeçar, në qershor 2021. Kandidaturat do të pranohen deri në fund të tetorit./Atsh