Nëse i fiton zgjedhjet presidenciale të SHBA, Joe Biden do të angazhohet fuqimisht për të konsoliduar paqen dhe stabilitetin në Ballkanin Perëndimor, përfshirë BeH-në, duke forcuar aleancën me BE-në dhe NATO-n, kanë bërë të ditur nga ekipi zgjedhor i kandidatit demokrat për president të SHBA-së.
Një pjesë integrale e programit zgjedhor të Bidenit është edhe pjesa që lidhet me prioritetet e politikës së jashtme dhe Evropa Juglindore ka gjetur një vend midis tyre. Pjesa në lidhje me BeH-në u shpërnda në profilin e tij në Facebook të martën nga Elvir Klempiq, me origjinë nga BeH-ja, i cili është përgjegjës për marrëdhëniet me bashkësitë etnike në Shtetet e Bashkuara në shtabin zgjedhor të Bidenit.
"Joe Biden do të sjellë së bashku partnerët tanë brenda BE dhe NATO për të zhvilluar së bashku një strategji për të forcuar pozicionin e Ballkanit Perëndimor në institucionet uuro-atlantike. Joe Biden e di se është koha që udhëheqja e guximshme dhe e vendosur amerikane të nxisë reformën dhe pajtimin, dhe t'i përkushtohemi qëllimit tonë të premtuar prej kohësh për një Evropë të tërësishme, të lirë dhe paqësore. Joe Biden obligohet të jetë gjithmonë kundër urrejtjes, duke mbështetur sovranitetin, integritetin territorial dhe karakterin multietnik të Bosnjë-Hercegovinës", thuhet në programin e Bidenit, të cilit media e BeH-së i ka kushtuar vëmendje të madhe.
Biden merret me rajonin për kohë të gjatë
Ndryshe nga presidenti aktual i SHBA-së Donald Trump, i cili nuk ka përvojë të drejtpërdrejtë në lidhje me Ballkanin Perëndimor, Biden filloi të merrej me rajonin në shenjat e para të krizës së luftës në vitet 1990 si senator amerikan në atë kohë.
"Ai ishte një lojtar kryesor në përpjekjet për të ndryshuar dinamikën në truallin e BeH-së dhe më në fund ndihmoi të bindë qeverinë e SHBA-së dhe aleatët kryesorë evropianë të ndalojnë Sllobodan Millosheviqin në fushatën e tij brutale të gjenocidit," thotë ekipi i Biden në një deklaratë.
Administrata e ish-presidentit Barak Obama, në të cilën Biden ishte nënkryetar, ishte ajo që vendosi sanksione ndaj anëtarit aktual të presidencës së BeH -sëMilorad Dodik në vitin 2017 për pengimin e zbatimit të Marrëveshjes së Dejtonit.
Ato sanksione, të cilat përfshijnë ndalimin e hyrjes së Dodikut në Shtetet e Bashkuara dhe ngrirjen e pasurive, janë ende në fuqi dhe një pjesë integrale e fushatës aktuale të Bidenit është mesazhi se "Shtetet e Bashkuara nuk do të tolerojnë kërcënime ndaj sovranitetit dhe integritetit territorial të BeH-së".
Dodik ka pritur për katër vjet që Trumpi do të heqë sanksionet e tij, dhe përkundër faktit se kjo nuk ndodhi, ai e mbështet haptas atë në përplasjen me Bidenin.
"Unë mbështes fitoren e Trumpit. Nëse ai e mundë Bidenin, ne do të vazhdojmë përpara. Unë mendoj se atij (Biden) duhet t'i thuhet se ka qenë negativ ndaj serbëve për 20 vitet e fundit. Për fat të keq, nëse ai fiton, ne do të duhet të durojmë mandatin e Bidenit", tha Dodik në një intervistë për "Vecernje Novosti"-in e Beogradit javën e kaluar.
