Jens Spahn doli pozitiv për coronavirus pas testimit, tha ministria e shëndetësisë, duke shtuar se është izoluar në shtëpi.
Ministri gjerman i shëndetësisë përjetoi simptoma të ngjashme me të ftohtin dhe iu nënshtrua testimit, njoftoi ministria.
Shkalla e infeksionit me COVID-19 në Gjermani është më e ulët se në pjesën më të madhe të Evropës, raporton deutschewelle.
Por është përshpejtuar ditët e fundit, me një numër rekord prej 7,830 të infektuar të konfirmuar të shtunën, sipas Institutit Robert Koch.
Spahn u bëri thirrje gjermanëve të mbajnë distancën fizike për të mbajtur shkallën e infektimit në një nivel nën kontroll.
