Serbia gjatë ditës sotme pritet të regjistrojë numër rekord të rasteve të reja me koronavirus.
Epidemiologu një herësh edhe anëtari i Shtabit të Krizave në Serbi, Predrag Kon, ka paralajmëruar rritje të rasteve me koronavirus dhe shtrëngim të masave.
Sipas Kon, gjatë së hënës në Serbi u regjistruan 341 raste të reja me koronavirus dhe se ky numër ka qenë më i ulëti krahasuar me javën e kaluar.
Kon në “TV Pink”, ka paralajmëruar se sot do të ketë një numër rekord të të infektuarve në Serbi.
“Shumë shpejt, sot, do të kemi një rekord të ri, famëkeq, një numër më i madh se kurrë më parë. Kjo rritje pritet të vazhdojë këtë javë dhe tjetrën. Nëse arrijmë ta ngadalësojmë, atëherë kjo rritje do të vazhdojë në javën e tretë, por atëherë do të ngadalësohet dhe do të ishte mirë të ishim kaq paradoksale. Pas kësaj, shpresoj se do të jemi në gjendje të barazojmë lakoren”, Deklaroi Kon.
Ai ka thënë se lakorja edhe do të rrisë numrin e pacientëve të shtruar nëpër spitale dhe në këtë mënyrë edhe spitalet do të mbingarkohen nga të infektuarit me koronavirus.
“Kemi një periudhë jashtëzakonisht serioze përpara nesh. Kjo është e vlefshme për tërë Serbinë, por për momentin situata më serioze është në Beograd”, theksoi Kon.
Ai tha se periudha mesatare e inkubacionit është nga pesë në shtatë ditë, dhe se mund të zgjatet në 10.
“98 për qind është në ato 10 ditë, një përqindje shumë e vogël është në 14 ditë … Gjithnjë e më shpesh ajo periudhë prej 10 ditësh jepet si më e gjata, megjithëse është provuar të jetë më e gjatë, por kjo është e rrallë”, u shpreh ai.
I pyetur se marrë parasysh rritjen e rasteve të reja a mund të ketë shtrëngim të masave, Kon është shprehur se është duke u planifikuar një gjë e tillë dhe se për këtë ishte e qartë se nuk mund të rrinte duarkryq nëse numri i personave të infektuar rritet.
Ai shpjegon se prova më e mirë e aktivitetit të virusit janë të dhënat nga Beogradi, ku brenda një dite (24 tetor) kishte 280 pacientë pozitivë me koronavirus, dhe se është 54 për qind e numrit të përgjithshëm të njerëzve të testuar, e që sipas tij, gjatë korrikut kur ishte vala më e nxehtë, 80 për qind e të testuarve kanë rezultuar pozitivë me koronavirus, transmeton më tutje lajmi.net.
“Ne patëm valën e korrikut dhe mund të kemi një situatë pak më të mirë krahasuar me pjesën tjetër të Evropës. Sidoqoftë, pritet një rritje e numrit të pacientëve dhe kufizimet do të jenë të nevojshme”, deklaroi Kon.
Sipas tij, fëmijët nuk janë burim i transmetimit të infeksionit në familje, se rastet e formës së rëndë te fëmijët janë akoma të rralla, veçanërisht në moshën dhjetë vjeç.
Ai thotë se numri i shkollave në të cilat ka fëmijë të infektuar po rritet, por që këto janë akoma raste individuale, sepse siç theksoi ai, sistemi që është vendosur në shkolla funksionon mirëmbajtja e detyrueshme e maskave, distanca, dezinfektimi i duarve.
Sipas tij, baret, restorantet e kafenetë më së shumti përhapin koronavirusin.
“Virusi transmetohet më së shumti në vendet e argëtimit dhe këtu duhet të ndikojmë më shumë. Ligji do të ndryshojë dhe sa më shpejtë të vihen sanksione sepse kjo është e domosdoshme”, tha Kon.
Ai shpjegon se në vende të tilla, një person i infektuar mund të infektojë më shumë njerëz sepse virusi sekretohet më shumë gjatë këndimit.
Ai vëren se në një ekip ku të gjithë janë ulur dhe mbajnë maska, mbajtja e distancës është e mundur, mundësia e transmetimit të infeksionit është vetëm teorike.
Siç thotë ai, ai nuk e quan më maskën maskë, por barrierë për virusin.
“Nëse duam që virusi të mos na sulmojë, ne vendosim maska, por të gjithë, nuk ka më negociata për këtë. Praktika ka treguar se maskat janë një mbrojtje efektive dhe mbrojnë deri në 99 për qind nëse të gjithë i veshin ato. Rekomandimi im për të gjithë është të vendosin një maskë sapo të largohen nga banesa dhe ta heqin atë vetëm kur hani ose pini”, u shpreh Kon.
