Një shofer i pakujdesshëm është futur me veturë në sheshin e “Pavarësisë” në Kiev të Ukrainës, ku si pasojë e përplasjes kanë humbur jetën dy kalimtarë rasti.
Në videon e filmuar nga kamerat e sigurisë që është publikuar nga policia ukrainase, shihet se si vetura futet në shesh më pas “fluturon” mbi turmën e kalimtarëve të rastit dhe më pas vazhdon në drejtim të rrugës, duke goditur një veturë tjetër.
Siç raportojnë mediat ukrainase, kjo veturë ka shkelur pesë persona dhe ka shkaktuar dëme materiale në të paktën katër vetura tjera.
Prapa timonit ishte një 66-vjeçar, i cili menjëherë është arrestuar, e hetimet janë duke vazhduar që mund të përcaktojnë motivin e vozitjes vdekjeprurëse.
