Protestat për largim nga posti i Presidentit për Aleksandër Lukashenko janë përshkallëzuar në Bjellorusi. Protestuesit janë mbledhur në Minsk këtë të diele për të kërkuar dorëheqjen e Lukashenkos dhe mbajtjen e zgjedhjeve të reja.
Qytetarët që kanë marrë pjesë në këtë lëvizje për të rrëzuar Lukashenkon e quajnë protestën e tyre si “Marshi i Demokracisë”.
Protestat e njerëzve shihen dhe si pika kyçe e opozitës. Në protestën e sotme sipas raporteve të policisë janë ndaluar disa persona që nga fillimi i marshimit. Ndërkohë që stacionet e metrove janë mbyllur në Minsk për shkak të frikës së si do të marrë rrjedha e protestës.
Protestat në Bjellorusi kanë filluar që kur autoritetet kanë njoftuar se fituesi i votimeve në 9 gusht është Aleksandër Lukashenko. Që nga muaji gusht njerëzit kanë dal në rrugë çdo javë për të kërkuar që Lukashenko të tërhiqet dhe të mbahen zgjedhje të reja.
