Nëntëvjeçari vdes pasi goditet nga rrufeja në fushën e futbollit

Evropë

Nëntëvjeçari vdes pasi goditet nga rrufeja në fushën e futbollit

Më: 12 maj 2021 Në ora: 00:56
Pamje nga vendi i ngjarjes

Një djalë nëntë vjeç ka vdekur pasi me sa duket është goditur nga rrufeja, gjatë një seance trajnimi futbolli.

Fëmija është plagosur në një fushë loje në zonën e Common Edge Road të Blackpool, pak pas orës 17:00 kur një stuhi goditi qytetin Lancashire, transmeton BBC.

Raporte nga policia atje, kanë thënë se djali u dërgua në spital, por nuk mbijetoi.

Spirit of Youth Junior FC, e cila përdor këtë fushë, tha se djali kishte marrë pjesë në një seancë private trajnimi.

Edhe policia nga ana tjetër, është shprehur se në bazë të hetimeve, besohet sa djali është goditur nga rrufeja.

“Ky është një incident vërtet shkatërrues dhe lutjet tona janë me gjithë zemër me familjen dhe miqtë e djalit të ri që ka ndërruar jetë, në këtë kohë shumë të trishtueshme dhe shqetësuese”, ka deklaruar Nick Connaughton, një efektiv policie.

Shfaq komentet
comments powered by Disqus
Sot mund të lexoni Shfletoni kopertinat