Një avion i vogël është përplasur me një ndërtesë në Milano jo shumë larg stacionit të metrosë duke shkaktuar edhe zjarr.
Sipas raportimeve deri tani flitet se gjashtë persona kanë qenë në bordin e avionit, ku për pasojë nuk ka mundur të mbijetojë asnjë nga ta.
Alarmi në Areu (Agjensinë Rajonale të Emergjencave në Lombardi) ka mbërritur rreth orës 13:00 dhe menjëherë kanë shkuar në vendngjarje policë dhe zjarrfikës.
Ndërtesa ku është përplasur avioni ishte duke u rikonstruktuar dhe për këtë arsye asnjë person nuk ka qenë brenda godinës.
Avioni ishte nisur nga Milano në drejtim të ishullit të Sardenjës.
