Policia portugeze sekuestron 5.200 kilogramë kokainë

Evropë

Policia portugeze sekuestron 5.200 kilogramë kokainë

Më: 19 tetor 2021 Në ora: 13:35
Foto

Policia portugeze ka sekuestruar 5.2 tonelata kokainë, që ishte në një jaht që lundronte nën flamurin spanjoll.

Vlera e kësaj kokaine në tregun e zi është 200 milionë euro, dhe është sasia më e madhe e sekuestruar e drogës që ka ndodhur në këtë vend në 15 vitet e fundit.

Nga policia kanë bërë të ditur se kjo është një prej sekuestrimeve më të mëdha në Evropë që ka ndodhur viteve të fundit.

Jahti brenda të cilit u gjet droga, ishte 24 metra e gjatë dhe gjendej në Oqeanin Atlantik.

E pas sekuestrimit të drogës janë arrestuar dy shtetas spanjollë dhe një peruan. Besohet se ishin pjesë e grupit që merrej me trafikimin ndërkombëtar të kokainës.

“Kjo është një goditje për ata që në Evropë kanë dashur të sjellin kokainë”, ka thënë Luis Nevec nga policia portugeze.

E në zbulimin e kokainës ishin përfshirë Spanja, Shtetet e Bashkuara dhe Britania e Madhe. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat