Moti i keq dhe reshjet e dendura të shiut vijojnë të jenë prezentë në Itali.
Gjatë orëve të fundit si pasojë e një tornado që ka goditur zonën e Modicas në Siçili, ka humbur jetën një 53 vjeçar. Ngjarja ka ndodhur në momentin që ai ka dalë nga banesa.
Mediat italiane bëjnë me dije se tornado ka prekur edhe zonën e tregut të fruta-perimeve Comiso, pranë stacionit të karburantit Lukoil.
Zjarrfikëset, policia dhe teknikët komunalë janë duke punuar. Stuhia goditi lagjet Trebalate, Serrameta, Sant ‘Elena dhe Bosco duke shkaktuar dëme të mëdha materiale.
