Vala aktuale e pandemisë në Francë mund ta ketë pikun në janar

Evropë

Vala aktuale e pandemisë në Francë mund ta ketë pikun në janar

Më: 3 dhjetor 2021 Në ora: 10:03
Foto ilustrim

Ministri francez i Shëndetësisë, Olivier Veran, ka thënë se vala aktuale e pandemisë në Francë mund të ketë pikun në janar të vitit të ardhshëm.

“Vala e pestë është duke u përhapur shpejt. Ka ndikim të vërejtshëm në sistemin spitalor”, ka thënë Veran për radion France Info.

Kjo valë e re, që ka rezultuar me gati 50,000 raste të reja të infektimit për të tretën ditë me radhë, është duke u shtrirë si pasojë e variantit Delta të koronavirusit.

Varianti i ri i koronavirusit, Omicron – i raportuar fillimisht në Afrikën e Jugut – ka nxitur po ashtu alarm global, me mbyllje të kufijve dhe kufizime tjera.

Masat e reja kanë ngritur dyshime për kapacitetet e rimëkëmbjes ekonomike pas dy vjetëve prej shpërthimit të pandemisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat