Të Gjelbrit gjermanë miratojnë marrëveshjen e koalicionit tripalësh

Evropë

Të Gjelbrit gjermanë miratojnë marrëveshjen e koalicionit tripalësh

Më: 7 dhjetor 2021 Në ora: 09:27
Partia gjermane Të Gjelbrit

Miratimi i anëtarëve të Partisë së Gjelbër ishte pengesa përfundimtare për formimin e një qeverie të re koalicioni tripalësh në Gjermani. Dy partitë e tjera, Demokratët e Lirë dhe Socialdemokratët, kanë votuar tashmë.

Partia gjermane Të Gjelbrit njoftoi të hënën se anëtarët e saj kishin rënë dakord të formonin një koalicion me Socialdemokratët e qendrës së majtë (SPD) dhe Demokratët e Lirë liberalë (FDP).

"Po"-ja nga anëtarët e Të Gjelbërve - partia e fundit që ra dakord për të ashtuquajturin koalicion "semafori" - hapi rrugën për qeverinë e parë në 16 vjet pa Angela Merkel si kancelare.

Image
Partia gjermane Të Gjelbrit

Në tërësi, 86% e votave të vlefshme ishin për marrëveshjen e koalicionit. Votën e dhanë rreth 57% e 125.000 anëtarëve të partisë, sipas sekretarit të përgjithshëm të partisë, Michael Kellner.

Bashkëkryetarja e partisë Annalena Baerbock tha se rezultati do t'i jepte vrull punës së qeverisë së re.

Kancelari i ri deri të mërkurën?

Të Gjelbrit kanë marrë disa poste brenda kabinetit të ri. Bashkëkryetari Robert Habeck, i cili do të jetë edhe zëvendëskancelar, do të drejtojë ministrinë e Ekonomisë dhe Mbrojtjes së Klimës; bashkëkryetarja tjetër, Annalena Baerbock, do të jetë ministre e Jashtme; Anne Spiegel do të jetë Ministre e Familjes; Steffi Lembke do të marrë drejtimin e Ministrisë së Mjedisit; dhe veterani i të Gjelbërve, Cem Özdemir do të jetë ministër i Ushqimit dhe Bujqësisë.

Klaudia Roth, një tjetër veterane e të Gjelbërve, do të jetë E Ngarkuara për Kulturën në vend. Tani që të Gjelbërit e miratuan marrëveshjen e koalicionit, kancelari i emëruar nga socialdemokratët, Olaf Scholz, mund të zgjidhet të mërkurën.

SPD njoftoi të hënën emrat e saj për kabinetin e qeverisë së re federale.

Partia socialdemokrate, e cila doli partia më e fortë në zgjedhjet e shtatorit në Gjermani do të marrë portofolet e punës dhe çështjeve sociale, shëndetësisë, të brendshme, mbrojtjes, zhvillimit, ndërtimit dhe strehimit dhe kancelarinë./DW/

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat