​Franca këshillon qytetarët e saj të shtyjnë udhëtimet e parëndësishme në Ukrainë

Evropë

​Franca këshillon qytetarët e saj të shtyjnë udhëtimet e parëndësishme në Ukrainë

Më: 24 janar 2022 Në ora: 19:24
Foto ilustrim

Autoritetet franceze këshilluan sot qytetarët e tyre që të shtyjnë udhëtimet e parëndësishme në Ukrainë dhe të mos udhëtojnë në zonat kufitare në veri dhe lindje të vendit, mes tensioneve me Rusinë fqinje.

Rekomandohet shtyrja e udhëtimeve të parëndësishme në Ukrainë… Në kontekstin e tensioneve të krijuara nga përqendrimi i trupave ruse në kufijtë e Ukrainës, rekomandohet dhe këshillohet rritja e vigjilencës që të mos udhëtoni në zonat kufitare veriore dhe lindore të vendit”, tha Ministria e Jashtme e Francës.

Ndryshe nga Shtetet e Bashkuara dhe Britania e Madhe, Franca aktualisht nuk po kërkon që stafi i ambasadës së saj ose familjet e diplomatëve të vendosur në Ukrainë të largohen nga vendi.

Ne kemi marrë parasysh deklaratat e Shteteve të Bashkuara dhe Britanisë së Madhe në lidhje me situatën e stafit të tyre diplomatik në Ukrainë”, tha një zëdhënës i diplomacisë franceze.

Bashkimi Evropian njoftoi sot se nuk ka ndërmend të ndjekë Shtetet e Bashkuara, të cilat po tërheqin familjet e diplomatëve të saj.

Ministria e Punëve të Jashtme e Britanisë së Madhe njoftoi sot se po tërheq stafin nga ambasada e saj në Kiev për shkak të kërcënimit në rritje nga Rusia.

Australia ka këshilluar gjithashtu qytetarët e saj që të mos udhëtojnë në Ukrainë për shkak të rrezikut të konfliktit të armatosur dhe njoftoi riatdhesimin e disa stafit nga ambasada e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat