Një aeroplan i vogël është rrëzuar në një mal në Francën juglindore, nga i cili aksident kanë gjetur vdekjen pesë persona, sipas mediave lokale.
Siç bëhet e ditur më tej, tragjedia ndodhi në orën 16:50 me orën lokale pranë qytetit të Adrets, në Isère.
Përplasja përfshinte një aeroplan të vogël pasagjerësh të tipit Jodel D140 i cili ishte nisur nga Versoud pranë Grenoble dhe po merrte pjesë në udhëtimin e tij të parë.
Në vendngjarje kanë shkuar dhjetëra zjarrfikës dhe policë, ku në rrënojat u gjetën pesë trupa.
Katër nga viktimat besohet se janë nga e njëjta familje.
Prokurorët e Grenoble kanë urdhëruar një hetim për atë që ka ndodhur, thanë zyrtarët rajonalë.
