Zelensky: Rusia është në panik, ndërsa po marshojmë më në lindje

Evropë

Zelensky: Rusia është në panik, ndërsa po marshojmë më në lindje

Më: 20 shtator 2022 Në ora: 08:36
Volodymyr Zelensky

Ukraina pretendon se trupat e saj kanë marshuar më tej në lindje në territorin e braktisur kohët e fundit nga Rusia, ndërsa forcat e mbrojtjes vazhdojnë të kthejnë territor.

“Pushtuesit janë qartazi në panik”, tha presidenti ukrainas, Volodymyr Zelensky, mbrëmjen e të hënës duke shtuar se ai tani është i fokusuar në “shpejtësinë” në zonat e çliruara.

“Shpejtësia me të cilën lëvizin trupat tona. Shpejtësia në rivendosjen e jetës normale”.

Zelensky la të kuptohej se do të ketë një videoadresim në Asamblenë e Përgjithshme të Kombeve të Bashkuara, të mërkurën, për t’iu bërë thirrje vendeve që të përshpejtojnë dërgimin e armëve dhe ndihmave.

“Ne po bëjmë gjithçka për t’u siguruar që nevojat e Ukrainës do të plotësohen në të gjitha nivelet – mbrojtjes, financiare, ekonomike, diplomatike”.

Forcat e armatosura të Ukrainës kanë rimarrë kontrollin e fshatit Bilohorivka dhe po përgatiten të rimarrin provincën Luhansk nga pushtuesit rusë, tha guvernatori Serhiy Haidai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat